بخصوص برنامج التحقق من صحة الويندوز

[سعاد القاضي]

طبعا نسخة الويندوز عندي مانها أصلية 

وأبدا ما بعرف كيف وايمت نزل عندي برنامج التحقق من صحة الويندوز.
كلشي بعرفو أني مرة بعد ما عملت اقلاع  طلعتلي رسالة: هل تريد التحقق من صحة الويندوز؟ وخياراتها الآن-  لاحقا.
كنت دايما أغلقها، أنو بعدين بدور وين نازل البرنامج وبحذفو 
واستمر الوضع مع كل اقلاع

لمرة بالغلط كبست على زر تحقق الآن
راح ما كذب خبر تحقق حالا  وعطاني رسالة :
((لم تنجح نسخة Windows هذه في عملية التحقق من صحة المنتج الأصلي.
مفتاح منتج Windows المثبت على هذا الكمبيوتر لم يتم تعيينه من قبل Microsoft‏.))

ولحد الآن الاشكال الوحيد اللي صار عندي أنو
- بعد كل اقلاع بيطلعلي ايقونة لاشتري النسخة الأصلية، طبعا بسكرها 
- ما بقدر حط خلفية على سطح المكتب لأنو أي خلفية بحطها بيرجع سطح المكتب لصفحة دامسة السواد.

طبعا لسى ما دورت على مكان البرنامج ولا حذفتو ولا بعرف أساسا اذا لسى فيني احذفو والا لازم فرمت الكومبيوتر ليمشي الحال.
بس قلت بخبركم (استحياطا). 

[Hani]

مرحبا ...

بصراحة ما عرفت نوع المشكلة اللي واجهتك تماماً لانو ولا مرة واجهتني, يمكن سببها اكتمال تحديثات الويندوز ( و هالشي بيحصل أحياناً وقت يكون المستخدم ع النت و بدون ما يحس, فبعد اكتمال التحديثات بتم اكتشاف حقيقة النسخة ) , و إذا كانت المشلكة فعلاً هي تحقق الويندوز من انو النسخة أصلية لما لاء فهادا الملف بساعد بحلها :

Windows_Genuin e_Validiation

بعد فك الضغط شغلي الملف و بعدين ( yes ) و بعدها (  ok ) .

الملف من نوع ريجستري و بقوم ببعض الإدخلات على ملفات الرجستري بالنظام اللي بتخلي الويندوز يتعرف على نسخة المستخدم كنسخة أصلية ...

[سعاد القاضي]

شكرا كتيييييييييير هاني
لما نزلت الملف واجريت اللازم رجعت حالا الخلفية لسطح المكتب، واختفت الايقونة من شريط المهام
بس لما عملت اقلاع جديد رجع الوضع السابق..

دققت في الرسالة اللي عم تطلع
طلع أنو بعد تثبيت البرنامج وكشف عدم ترخيص النسخة يقوم البرنامج بشكل دائم بالتذكير بذلك بهدف حماية كومبيوتر المستخدم، وما بعرف اذا في ألية للتخلص من ذلك

اذا بتحب تطلع على نص الرسالة فهاد هوي:

windows Genuine Advantage notifications
Introduction

windows Genuine Advantage Notifications is part of Microsofts effort to reduce software piracy.
Installing this software can help confirm that the copy of windows installed on this pc is genuine and properly licensed.

If your copy of windows is not genuine the software will provide periodic reminders to help you take appropriate action and protect yourself from security threats posed by counterfeit software.

[إياد]

خلص سعاد الحل واضح ومبين متل عين الشمس... اهديني الكمبيوتر لريحك منو ومن بلاويه.. وانت بعوضك الله.. بكرة بتزنكلي وبتشتري واحد أحسن منو... هادا الحل الوحيد بصراحة.

[سعاد القاضي]

خلص سعاد الحل واضح ومبين متل عين الشمس... اهديني الكمبيوتر لريحك منو ومن بلاويه.. وانت بعوضك الله.. بكرة بتزنكلي وبتشتري واحد أحسن منو... هادا الحل الوحيد بصراحة.

اياد هالله هالله هالله ع الجد والجد هالله هالله عليه 
قال بيعوضك الله قال 
عم فكر أهديك نسخة ويندوز أصلية بلكي بريحك من احتمال هالبلاوي مستقبلا 

[Hani]

ياريت سعاد  لو كان عندك برنامج لتصوير سطح المكتب مشان ترفعيلنا صور الايقونات اللي طلعت لنعرف شو القصة, على الأقل شو شكل هالأيقونات و أسماءها, هل هي ملفات تنفيذية ( exe.* ) أما نصية أم شو بالتحديد ! ...

المهم المشكلة و بالاستناد لما ورد برسالة الخطأ فهي على الأغلب من التحديث التلقائي ( automatic update ) للويندوز, و لابد من تعطيل التحديث لانهاء المشكلة ...

خطوات التعطيل :

من شريط المهام منضغط على أيقونة التحديث اللي هي على شكل درع روماني أصفر :



أو إذا ما كانت ظاهرة على شريط المهام منروح على لوحة التحكم و منضغط على ( security center ) :



بعد الضغط بتطلعلنا القائمة الرئيسية لمركز الحماية, منضغط على الخيار الأخير ( .......  change the way security center   ) ء :



و منتأكد من إزالة إشارات التفعيل على كل من الخيارات ( فايروول , تحديث, حماية من الفايروسات ) و هي تطبيقات فاشلة و غير مجدية أصلاً للحماية, و وجودها و عدمه نفس الشي :



بعدين ( ok ) و خلص ...

هلأ أحياناً الفايروول المدمج بالويندوز بضل شغال و بتطلعلنا كل ساعة و التانية رسائله المزعجة , إذا هالشي صار منروح مرة تانية على قائمة التحكم و بعدين  ( windows firewall ) ء:



و منتأكد من وضع خيار التفغيل على تعطيل عمل الجدار ( off )ء:




بتمنى يمشي الحال ...

-----------------------

خلص سعاد الحل واضح ومبين متل عين الشمس... اهديني الكمبيوتر لريحك منو ومن بلاويه.. وانت بعوضك الله.. بكرة بتزنكلي وبتشتري واحد أحسن منو... هادا الحل الوحيد بصراحة.

شايفلك يا اياد انو أد مانها حلولك سلسة و بسيطة و ما فيها أي تعقيد, أد مانها مكلفة على الصعيد الاقتصادي و بتأدي لخربان البيوت ( في حال تم الأخذ بها )

 

[سعاد القاضي]

والله يا هاني ما منزلة برامج تصوير ولا متعاملة قبل معها أبدا، وموبايلي بلا كاميرا، وكميرتي اللي ورثتها ورثة وعمرها شي مية سنة بس صورها كتير حلوة بدها بطاريات والدكان اللي جنبنا مسكر 

المهم ما مشي الحال أبدا وكنت جربت تغيير الاعدادات السابقة بالاتجاهين أكتر من مرة.
بس اللي لفت انتباهي أنو بالاعدادات اللي بتسمحلك عادة بتغيير صورة سطح المكتب موجود جنب خيار(None) اشارة حجب حمرا أول مرة بنتبه لوجودها وما بعرف اذا بتكون هيك عادة.
 وتحديد اللون ما بيستجيب الا لخيار اللون الأسود.
وما بعرف اذا كانت هالشغلات قضايا ذات صلة بسواد سطح المكتب عندي.

[Hani]

والله يا هاني ما منزلة برامج تصوير ولا متعاملة قبل معها أبدا، وموبايلي بلا كاميرا، وكميرتي اللي ورثتها ورثة وعمرها شي مية سنة بس صورها كتير حلوة بدها بطاريات والدكان اللي جنبنا مسكر   

ههه

 

لاء إذا كانت الكاميرا من تبع الأفلام الشريطية فمالنا مصلحة, بين ما تصوري و تحمضي الفيلم ( هادا إذا لسه في مصورين عم يقوموا بهالشي  ) بترحلها شي أسبوعن تلاتة .

و الله الكلاسيكية حلوة بس بتعذب هه 

صحيه, نسيت عن شو كان الموضوع 

ايه تذكرت 

المهم ما مشي الحال أبدا وكنت جربت تغيير الاعدادات السابقة بالاتجاهين أكتر من مرة.
بس اللي لفت انتباهي أنو بالاعدادات اللي بتسمحلك عادة بتغيير صورة سطح المكتب موجود جنب خيار(None) اشارة حجب حمرا أول مرة بنتبه لوجودها وما بعرف اذا بتكون هيك عادة.
 وتحديد اللون ما بيستجيب الا لخيار اللون الأسود.
وما بعرف اذا كانت هالشغلات قضايا ذات صلة بسواد سطح المكتب عندي.

يمكن قصدك السمة ( theme ) الخاصة بشكل ظهور سطح المكتب بإطاراته و شكل أيقوناته ؟

السمة أحياناً بتتغير بالاكس بي لحالها بسبب أخطاء مختلفة بالنظام, لدرجة انو شريط المهام بياخد أحياناً بظهوره شكل شريط المهام تبع الويندوز ميلينيوم إذا بتذكروه , يعني بصير رمادي و باهت . انتي سعاد هيك عم يصير عندك ؟

[Hani]

هادا الموضوع فيه طريقة أخد صورة عن سطح المكتب بواسطة برنامج الرسام :

http://swoforum.nesasy.org/index.php/topic,2105.0.html

[نوار السبعة]

مرحبا يا شباب ويا صبايا

هالمشكلة صارت مع كمبيوتر أبي مرة, ورح حاول إشرح بشوية تفصيل تقني أكتر لهاني عنها, لحتى يعرف أكتر شو هيي, بانتظار رفع الصورة من سعاد

المشكلة, وما بعرف إذا بلشت بنفس الطريقة عند بابا متل سعاد, هيي إنو عند بدء تشغيل ويندوز بيظهر أيقونة Systray شكلها متل نجمة خماسية بس نهايات الرؤوس الخمسة مقطوعة, وهي الأيقونة بتكتب رسالة ملخصها إنو نسخة ويندوز المنزلة غير أصلية, وإنو يعني بيضربوك منية إنو اكتشفو هالاكتشاف الخطير (لأنو بيعتبروا إنو إنتي مشتري نسخة عأساس أصلية وطلعت مزورة) وهالشي بيسبب إنو هالأيقونة ما بتروح, وخلفية سطح المكتب بتصير مجرد شاشة سودا, وبيظهر مربع فوق الساعة بالـSystray فيه نفس الرمز, وشوية حكي تاني من نفس النمط

وبصراحة ما جربت برامج الـCrack اللي بتحول نسخة الويندوز لنسخة "أصلية", وكان حلي ببساطة إني فرمتت

ما بعرف إذا هالحكي ممكن يفيد هاني, أو أي حدا من الشركاء, بتحديد سبب المشكلة, أو حلها, بس قلت بكتبو, إذا ما نفع ما بيضرّ

سلامات, وموفقة سعاد مع كمبيوترك

[Hani]

مرحبا نوار ...

شكراً على المعلومات و يا ريتك رفعت صورة الأيقونة لأنو بصراحة ولا مرة واجهتني هالمشكلة أو شفت الأيقونة ...

Systray ! يعني System tray , على ما أذكر هي دالّة برمجية

على كل الحل الأفضل فعلاً في حال ما نجحت طريقة تعطيل التحديث انو تتم فرمتت الجهاز, أو عمل باك آب في حال كان في نسخة محفوظة من النظام ....

[سعاد القاضي]

أهلين نوار وسلام حار من كومبيوتري لكومبيوتر أبوك باعتبارهم شركاء في هذه المحنة وأكيد اذا رجعنا لشجرة عائلة الكومبيوترات بيطلعوا قرايبين 

بالنسبة لرفع الصور يعني أكيد الايقونة الأساسية اللي ترتب بسببها كل ما لحق اختفت بعد ما وافقت خطأ على خيار أوكي وهالشي واضح جدا من نص الموضوع..!!!!!!!

بالنسبة للايقونة ذات الرؤوس الخمسة المشطوفة اللي بتظهر في شريط المهام هي شعار برامج مايكروسوفت الأصلية.

ما فيني حط رابط الصفحة هون لأنو الضغط عليها من قبل أي كان يعني طلب التحقق من نسخة الويندوز لديه.
وهو أول عمل تقوم به بعد الضغط عليها اذ تفتح على صفحة تشير إلى اجرا ءالفحص مع نص: جاري التحقق من صحة الويندوز، ومن ثم تفتح الصفحة التالية  التي توصل إلى صفحة برامج ويندوز الأصلية وطرق شرائها طبعا في حال كانت نتيجة التحقق أن النسخة غير مرخصة.
وهي صورة للصفحة.

[سعاد القاضي]

غريب ما طلعت الصفحة كصورة 
وبصراحة حاليا أبدا ماني قدرانة أرفع الصفحة كصورة وكذلك صور الرسائل اللاحقة للرسالة الأولى اللي طارت، إلى مركز تحميل وبعدين جيبهم لهون. 

بقى بليز حلوها من صوبكم، أنا ع الأغلب شكّل فرار من هالموضوع، بس لا حدا يزعل مني ها

[سعاد القاضي]

مرحبا بعد زمااااااااااان 

نسيت خبركم أنو أصل المشكلة اللي صارت بسبب نسخة الويندوز اللي عندي تعود إلى:
أني كنت مفعلة خيار (التحديثات التلقائية) وطبعا (مثبتة طلب موافقتي قبل اجراء التحديث)...

هاد كان سبب الرسالة الأولى اللي كانت تطلعلي بخصوص:
هل تريد تحديث نسخة الويندوز عندك؟
واللي توافق عليها خطأ...

المهم...
أني ما قدرت أعثر على حل للاشكال اللي حصل
مع أني أذكر تماما أنو مرة أحد ما وضع  برنامج يجعل من نسخ الويندوز أصلية
بس ما لقيته
وعموما هالبرنامج كان ممكن يفيد قبل هالمشكلة وليس بعد..

لكن يوجد الآن في السوق نسخ ويندوز تحمل سيريل نمبر خاص بكل نسخة وسعرها متواضع....
فرمتت ونزلت نسخة
وما عاد في مجال لتكرار اشكال من هالنوع..
طبعا بشرط  أن تبقى النسخة خاصة بالكومبيوتر تماما، يعني لا تعار أبدا، ولا تتنزل على كومبيوتر تاني...

وكل مشكلة عويصة أو غير عويصة وأنتو بخير...